.. ଆର୍ଯାପଞ୍ଚଦଶୀସ୍ତୋତ୍ରମ୍ ..
କରକଲିତଚାପବାଣାଂ କଲ୍ହାରାଙ୍ଘ୍ରିଂ ନମାମି କଲ୍ଯାଣୀମ୍ .
କଂଦର୍ପଦର୍ପଜନନୀଂ କଲୁଷହରାଂ କାମିତାର୍ଥଫଲଦାତ୍ରୀମ୍ .. ୧ ..
ଏଷା ସ୍ତୋତୁମ୍ ବାଣୀ ନୈବ ସମର୍ଥା ତବେଶି ମହିମାନମ୍ .
ଶେଷୋଽପ୍ଯବ୍ଦସହସ୍ରୈଃ ଶେଷଂ କୃତବାନ୍ ମହେଶି ତବ ଚରିତମ୍ .. ୨ ..
ଈଶିତ୍ବାଦିସୁପୂଜ୍ଯାମିନ୍ଦିନ୍ଦିରକେଶାଭାରସୂଲ୍ଲସିତାମ୍ .
ଇନ୍ଦୀବରଦଲନଯନାମୀପ୍ସିତଦାତ୍ରୀଂ ନମାମି ଶର୍ବାଣୀମ୍ .. ୩ ..
ଲସଦରୁଣଭାନୁକୋଟିଦ୍ଯୁତିନିଧିମମ୍ବାଂ ସୁରେନ୍ଦ୍ରଲକ୍ଷ୍ଯପଦାମ୍ .
ଲଲିତାଂ ନମାମି ବାଲେ ଲଲିତଶିବହୃଦଯକମଲକଲହଂସୀମ୍ .. ୪ ..
ହ୍ରୀଂକାରବୀଜରୂପେ ହିମଗିରିକନ୍ଯେ ହରୀନ୍ଦ୍ରଭବବନ୍ଦ୍ଯେ .
ହିମକରଧବଲଚ୍ଛତ୍ରେ ହିତାଯ ଭବ ନଃ ସଦା ମହାରାଜ୍ଞି .. ୫ ..
ହର୍ଷୋତ୍କରଜନଯିତ୍ରୀ ହସିତଜ୍ଯୋତ୍ସ୍ନା ତବେଯମନବଦ୍ଯେ .
ହରଗଲହାଲାହଲମପି ହରତି ତ୍ରୈଲୋକ୍ଯମୋହତିମିରଂ ତେ .. ୬ ..
ସକଲମନୋରଥଦାନେ ସତ୍ଯପି ଚରଣେ ନତସ୍ଯ ତବ ନିପୁଣେ .
ସଂସେବ୍ଯତେ ସୁରତରୁଃ ସଦାଜ୍ଞଲୋକୈର୍ନୁ କୃଚ୍ଛ୍ରଫଲଦାତା .. ୭ ..
କନକରୁଚେ ଚଟୁଲଗତେ କଠିନସ୍ତନଭାରନମ୍ରକୃଶମଧ୍ଯେ .
କାନ୍ତେ କଙ୍କଣହସ୍ତେ କମ୍ବୁଗ୍ରୀବେ ନମୋଽସ୍ତୁ ତେ କରୁଣେ .. ୮ ..
ହରନଯନାନନ୍ଦକରେ ହରାଙ୍କସଂସ୍ଥେ ହରିପ୍ରମୁଖବନ୍ଦ୍ଯେ .
ହରନଟନସାକ୍ଷିଭୂତେ ହରାର୍ଧଦେହେ ନମୋଽସ୍ତୁ ତେ ସୁକୃପେ .. ୯ ..
ଲକ୍ଷ୍ମୀପ୍ରଦକରୁଣା ଯା ଲକ୍ଷ୍ମୀପତିମଲ୍ପମମ୍ବ କର୍ତୁମଲମ୍ .
ଲକ୍ଷ୍ଯମ୍ କୁରୁ ମାଂ ତସ୍ଯା ଲାବଣ୍ଯାମୃତତରଙ୍ଗମାଲେ ତ୍ବମ୍ .. ୧୦ ..
ହ୍ରୀଂକାରରତ୍ନଗର୍ଭେ ହେମାଚଲମନ୍ଦରସ୍ତନୋଲ୍ଲସିତେ .
ହେରମ୍ବପ୍ରିଯଜନନି ହେ ବସୁଧେ ଦେହି ମେ କ୍ଷମାଂ ନିତ୍ଯମ୍ .. ୧୧ ..
ସତ୍ସଂପ୍ରଦାଯବିଦିତେ ସକଲାଗମନିଗମସାରତତ୍ତ୍ବମଯି .
ସାବିତ୍ର୍ଯର୍ପଯ ବଦନେ ସକଲରସାଶ୍ରଯସୁବାକ୍ସୁଧାଧାରାମ୍ .. ୧୨ ..
କରକଙ୍କଣମଣିଦିନମଣିକରବିକସିତଚରଣକମଲମକରନ୍ଦମ୍ .
କରୁଣାପଯୋନିଧେ ମେ କାମାକ୍ଷି ସ୍ବାନ୍ତଷଟ୍ପଦଃ ପିବତୁ .. ୧୩ ..
ଲସଦିକ୍ଷୁଚାପସୁମଶରଲକ୍ଷିତଦୋର୍ବଲ୍ଲିବୀର୍ଯମଭଯେନ .
ଲକ୍ଷାଧିକଦୈତ୍ଯକୁଲଂ ଲବୁପଟବାସଂ କୃତଂ କଥଂ ଚିତ୍ରମ୍ .. ୧୪ ..
ହ୍ରୀଂକାରକେଲିଭବନେ ହିମକରମୌଲ୍ଯଙ୍କମଞ୍ଜୁପର୍ଯଙ୍କେ .
ହୃଦଯସରୋଜେ ମେ ବସ ହୃଦଯାନନ୍ଦପ୍ରବୋଧପରହଂସି .. ୧୫ ..
ଆର୍ଯାପଞ୍ଚଦଶୀଂ ତାମାର୍ଯାଂ ଯୋ ଭଜତି ଶୁଦ୍ଧଧୀର୍ନିତ୍ଯମ୍ .
ଭାର୍ଯେ ଲକ୍ଷ୍ମୀବାଣ୍ଯୌ ପର୍ଯାତାତ୍ ତସ୍ଯ ସାଦରଂ ଭବତଃ .. ୧୬ ..
ଇତ୍ଯାନନ୍ଦନାଥପାଦପଦ୍ମୋପଜୀବିନା କାଶ୍ଯପଗୋତ୍ରୋତ୍ପନ୍ନେନାନ୍ଧ୍ରେଣ
ତ୍ଯାଗରାଜନାମ୍ନା ବିରଚିତମାର୍ଯାପଞ୍ଚଦଶୀସ୍ତୋତ୍ରଂ ସଂପୂର୍ଣମ୍


Encoded and proofread by Sridhar  Seshagiri seshagir@egr.msu.edu

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com