.. ଅଭିଲାଷାଷ୍ଟକଂ ..
    
          ଅଭିଲାଷାଷ୍ଟକମ୍


          abhilaashhaashhTakam.h

 Send corrections to Narayanaswami at  swami@math.mun.ca 


       .. ଅଥ ଅଭିଲାଷାଷ୍ଟକମ୍ ..

କଦା ପକ୍ଷୀନ୍ଦ୍ରାଂସୋପରି ଗତମଜଂ କଞ୍ଚନଯନମ୍
ରମାସଂଶ୍ଲିଷ୍ଟାଂଗଂ ଗଗନରୁଚମାପୀତବସନମ୍ .
ଗଦାଶଂଖାମ୍ଭୋଜାରିବରମାଲୋକ୍ଯ ସୁଚିରଂ
ଗମିଷ୍ଯତ୍ଯେତନ୍ମେ ନନୁ ସଫଲତାଂ ନେତ୍ରଯୁଗଲମ୍ .. ୧..

କଦା କ୍ଷୀରାବ୍ଧ୍ଯନ୍ତଃ  ସୁରତରୁବନାନ୍ତର୍ମଣିମଯେ
ସମାସୀନଂ ପୀଠେ ଜଲଧିତନଯାଲିଂଗିତତନୁମ୍ .
ସ୍ତୁତଂ ଦେବୈର୍ନିତ୍ଯଂ ମୁନିବରକଦଂବୈରଭିନୁତମ୍
ସ୍ତବୈଃ ସନ୍ତୋଷ୍ଯାମି ଶ୍ରୁତିବଚନଗର୍ଭୈଃ ସୁରଗୁରୁମ୍ .. ୨..

କଦା ମାମାଭୀତଂ ଭଯଜଲଧିତସ୍ତାପସତନୁଂ
ଗତା ରାଗଂ ଗଂଗାତଟଗିରିଗୁହାବାସସହନମ୍ .
ଲପନ୍ତଂ ହେ ବିଷ୍ଣୋ ସୁରବର ରମେଶେତି ସତତଂ
ସମଭ୍ଯେତ୍ଯୋଦାରଂ କମଲନଯନୋ ବକ୍ଷ୍ଯତି ବଚଃ .. ୩..

କଦା ମେ ହୃଦ୍ପଦ୍ମେ ଭ୍ରମର ଇବ ପଦ୍ମେ ପ୍ରତିବସନ୍
ସଦା ଧ୍ଯାନାଭ୍ଯାସାଦନିଶମୁପହୂତୋ ବିଭୁରସୌ .
ସ୍ଫୁରଜ୍ଜ୍ଯୋତୀରୂପୋ ରବିରିବ ରସାସେବ୍ଯଚରଣୋ
ହରିଷ୍ଯତ୍ଯଜ୍ଞାନାଜ୍ଜନିତତିମିରଂ ତୂର୍ଣମଖିଲମ୍ .. ୪..

କଦା ମେ ଭୋଗାଶା ନିବିଡଭବପାଶାଦୁପରତଂ
ତପଃଶୁଦ୍ଧଂ ବୁଦ୍ଧଂ ଗୁରୁବଚନତୋଦୈରଚପଲମ୍ .
ମନୋ ମୌନଂ କୃତ୍ବା ହରିଚରଣଯୋଶ୍ଚାରୁ ସୁଚିରଂ
ସ୍ଥିତିଂ ସ୍ଥାଣୁପ୍ରାଯାଂ ଭବଭଯହରାଂ ଯାସ୍ଯତି ପରାମ୍ .. ୫..

କଦା ମେ ସଂରୁଦ୍ଧାଖିଲକରଣଜାଲସ୍ଯ ପରିତୋ
ଜିତାଶେଷପ୍ରାଣାନିଲପରିକରସ୍ଯ ପ୍ରଜପତଃ .
ସଦୋଂକାରଂ ଚିତ୍ତଂ ହରିପଦସରୋଜେ ଧୃତବତଃ
ସମେଷ୍ଯତ୍ଯୁଲ୍ଲାସଂ ମୁହୁରଖିଲରୋମାବଲିରିଯମ୍ .. ୬..

କଦା ପ୍ରାରବ୍ଧାନ୍ତେ ପରିଶିଥିଲତାଂ ଗଚ୍ଛତି ଶନୈଃ
ଶରୀରେ ଚାକ୍ଷୌଘେଽପ୍ଯୁପରତବତି ପ୍ରାଣପବନେ .
ବଦତ୍ଯୂର୍ଧ୍ବଂ ଶଶ୍ବନ୍ମମ ବଦନକଂଜେ ମୁହୁରହୋ
କରିଷ୍ଯତ୍ଯାବାସଂ ହରିରିତି ପଦଂ ପାବନତମମ୍ .. ୭..

କଦା ହିତ୍ବା ଜୀର୍ଣାଂ ତ୍ବଚମିବ ଭୁଜଂଗସ୍ତନୁମିମାଂ
ଚତୁର୍ବାହୁଶ୍ଚକ୍ରାମ୍ବୁଜଦରକରଃ ପୀତବସନଃ .
ଘନଶ୍ଯାମୋ ଦୂତୈର୍ଗଗନଗତିନୀତୋ ନତିପରୈ-
ର୍ଗମିଷ୍ଯାମୀଶସ୍ଯାଂତିକମଖିଲଦୁଃଖାଂତକମିତି .. ୮..

.. ଇତି ଶ୍ରୀମତ୍ପରମହଂସସ୍ବାମିବ୍ରହ୍ମାନନ୍ଦବିରଚିତଂ
    ଅଭିଲାଷାଷ୍ଟକଂ ସଂପୂର୍ଣମ୍ ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com