.. ଅଘନାଶକଗାଯତ୍ରୀସ୍ତୋତ୍ର ..
ଆଦିଶକ୍ତେ ଜଗନ୍ମାତର୍ଭକ୍ତାନୁଗ୍ରହକାରିଣି |
ସର୍ବତ୍ର ବ୍ଯାପିକେଽନନ୍ତେ ଶ୍ରୀସଂଧ୍ଯେ ତେ ନମୋଽସ୍ତୁ ତେ ||
ତ୍ବମେବ ସଂଧ୍ଯା ଗାଯତ୍ରୀ ସାବିତ୍ରି ଚ ସରସ୍ବତୀ |
ବ୍ରାହ୍ମୀ ଚ ବୈଷ୍ଣବୀ ରୌଦ୍ରୀ ରକ୍ତା ଶ୍ବେତା ସିତେତରା ||
ପ୍ରାତର୍ବାଲା ଚ ମଧ୍ଯାହ୍ନେ ଯୌବନସ୍ଥା ଭବେତ୍ପୁନଃ |
ବୃଦ୍ଧା ସାଯଂ ଭଗବତୀ ଚିନ୍ତ୍ଯତେ ମୁନିଭିଃ ସଦା ||
ହଂସସ୍ଥା ଗରୁଡାରୂଢା ତଥା ବୃଷଭବାହିନୀ |
ଋଗ୍ବେଦାଧ୍ଯାଯିନୀ ଭୂମୌ ଦୃଶ୍ଯତେ ଯା ତପସ୍ବିଭିଃ ||
ଯଜୁର୍ବେଦଂ ପଠନ୍ତୀ ଚ ଅନ୍ତରିକ୍ଷେ ବିରାଜତେ |
ସା ସାମଗାପି ସର୍ବେଷୁ ଭ୍ରାମ୍ଯମାଣା ତଥା ଭୁବି ||
ରୁଦ୍ରଲୋକଂ ଗତା ତ୍ବଂ ହି ବିଷ୍ଣୁଲୋକନିବାସିନୀ |
ତ୍ବମେବ ବ୍ରହ୍ମଣୋ ଲୋକେଽମର୍ତ୍ଯାନୁଗ୍ରହକାରିଣୀ ||
ସପ୍ତର୍ଷିପ୍ରୀତିଜନନୀ ମାଯା ବହୁବରପ୍ରଦା |
ଶିବଯୋଃ କରନେତ୍ରୋତ୍ଥା ହ୍ଯଶ୍ରୁସ୍ବେଦସମୁଦ୍ଭବା ||
ଆନନ୍ଦଜନନୀ ଦୁର୍ଗା ଦଶଧା ପରିପଠ୍ଯତେ |
ବରେଣ୍ଯା ବରଦା ଚୈବ ବରିଷ୍ଠା ବରର୍ବ୍ଣିନୀ ||
ଗରିଷ୍ଠା ଚ ବରାହୀ ଚ ବରାରୋହା ଚ ସପ୍ତମୀ |
ନୀଲଗଂଗା ତଥା ସଂଧ୍ଯା ସର୍ବଦା ଭୋଗମୋକ୍ଷଦା ||
ଭାଗୀରଥୀ ମର୍ତ୍ଯଲୋକେ ପାତାଲେ ଭୋଗବତ୍ଯପି ||
ତ୍ରିଲୋକବାହିନୀ ଦେବୀ ସ୍ଥାନତ୍ରଯନିବାସିନୀ ||
ଭୂର୍ଲୋକସ୍ଥା ତ୍ବମେବାସି ଧରିତ୍ରୀ ଶୋକଧାରିଣୀ |
ଭୁବୋ ଲୋକେ ବାଯୁଶକ୍ତିଃ ସ୍ବର୍ଲୋକେ ତେଜସାଂ ନିଧିଃ ||
ମହର୍ଲୋକେ ମହାସିଦ୍ଧିର୍ଜନଲୋକେ ଜନେତ୍ଯପି |
ତପସ୍ବିନୀ ତପୋଲୋକେ ସତ୍ଯଲୋକେ ତୁ ସତ୍ଯବାକ୍ ||
କମଲା ବିଷ୍ଣୁଲୋକେ ଚ ଗାଯତ୍ରୀ ବ୍ରହ୍ମଲୋକଗା |
ରୁଦ୍ରଲୋକେ ସ୍ଥିତା ଗୌରୀ ହରାର୍ଧାଂଗୀନିବାସିନୀ ||
ଅହମୋ ମହତଶ୍ଚୈବ ପ୍ରକୃତିସ୍ତ୍ବଂ ହି ଗୀଯସେ |
ସାମ୍ଯାବସ୍ଥାତ୍ମିକା ତ୍ବଂ ହି ଶବଲବ୍ରହ୍ମରୂପିଣୀ ||
ତତଃ ପରାପରା ଶକ୍ତିଃ ପରମା ତ୍ବଂ ହି ଗୀଯସେ |
ଇଚ୍ଛାଶକ୍ତିଃ କ୍ରିଯାଶକ୍ତିର୍ଜ୍ଞାନଶକ୍ତିସ୍ତ୍ରିଶକ୍ତିଦା ||
ଗଂଗା ଚ ଯମୁନା ଚୈବ ବିପାଶା ଚ ସରସ୍ବତୀ |
ସରଯୂର୍ଦେବିକା ସିନ୍ଧୁର୍ନର୍ମଦେରାବତୀ ତଥା ||
ଗୋଦାବରୀ ଶତଦ୍ରୁଶ୍ଚ କାବେରୀ ଦେବଲୋକଗା |
କୌଶିକୀ ଚନ୍ଦ୍ରଭାଗା ଚ ବିତସ୍ତା ଚ ସରସ୍ବତୀ ||
ଗଣ୍ଡକୀ ତାପିନୀ ତୋଯା ଗୋମତୀ ବେତ୍ରବତ୍ଯପି |
ଇଡା ଚ ପିଂଗଲା ଚୈବ ସୁଷୁମ୍ଣା ଚ ତୃତୀଯକା ||
ଗାଂଧାରୀ ହସ୍ତିଜିହ୍ବା ଚ ପୂଷାପୂଷା ତଥୈବ ଚ |
ଅଲମ୍ବୁଷା କୁହୂଶ୍ଚୈବ ଶଂଖିନୀ ପ୍ରାଣବାହିନୀ ||
ନାଡୀ ଚ ତ୍ବଂ ଶରୀରସ୍ଥା ଗୀଯସେ ପ୍ରାକ୍ତନୈର୍ବୁଧୈଃ |
ହୃତପଦ୍ମସ୍ଥା ପ୍ରାଣଶକ୍ତିଃ କଣ୍ଠସ୍ଥା ସ୍ବପ୍ନନାଯିକା ||
ତାଲୁସ୍ଥା ତ୍ବଂ ସଦାଧାରା ବିନ୍ଦୁସ୍ଥା ବିନ୍ଦୁମାଲିନୀ |
ମୂଲେ ତୁ କୁଣ୍ଡଲୀ ଶକ୍ତିର୍ବ୍ଯାପିନୀ କେଶମୂଲଗା ||
ଶିଖାମଧ୍ଯାସନା ତ୍ବଂ ହି ଶିଖାଗ୍ରେ ତୁ ମନୋନ୍ମନୀ |
କିମନ୍ଯଦ୍ ବହୁନୋକ୍ତେନ ଯତ୍କିଂଚିଜ୍ଜଗତୀତ୍ରଯେ ||
ତତ୍ସର୍ବଂ ତ୍ବଂ ମହାଦେବି ଶ୍ରିଯେ ସଂଧ୍ଯେ ନମୋଽସ୍ତୁ ତେ |
ଇତୀଦଂ କୀର୍ତିତଂ ସ୍ତୋତ୍ରଂ ସଂଧ୍ଯାଯାଂ ବହୁପୁଣ୍ଯଦମ୍ ||
ମହାପାପପ୍ରଶମନଂ ମହାସିଦ୍ଧିବିଧାଯକମ୍ |
ଯ ଇଦଂ କୀର୍ତଯେତ୍ ସ୍ତୋତ୍ରଂ ସଂଧ୍ଯାକାଲେ ସମାହିତଃ ||
ଅପୁତ୍ରଃ ପ୍ରାପ୍ନୁଯାତ୍ ପୁତ୍ରଂ ଧନାର୍ଥୀ ଧନମାପ୍ନୁଯାତ୍ |
ସର୍ବତୀର୍ଥତପୋଦାନଯଜ୍ଞଯୋଗଫଲଂ ଲଭେତ୍ ||
ଭୋଗାନ୍ ଭୁକ୍ତ୍ବା ଚିରଂ କାଲମନ୍ତେ ମୋକ୍ଷମବାପ୍ନୁଯାତ୍ |
ତପସ୍ବିଭିଃ କୃତଂ ସ୍ତୋତ୍ରଂ ସ୍ନାନକାଲେ ତୁ ଯଃ ପଠେତ୍ ||
ଯତ୍ର କୁତ୍ର ଜଲେ ମଗ୍ନଃ ସଂଧ୍ଯାମଜ୍ଜନଜଂ ଫଲମ୍ |
ଲଭତେ ନାତ୍ର ସଂଦେହଃ ସତ୍ଯଂ ଚ ନାରଦ ||
ଶ୍ରୃଣୁଯାଦ୍ଯୋଽପି ତଦ୍ଭକ୍ତ୍ଯା ସ ତୁ ପାପାତ୍ ପ୍ରମୁଚ୍ଯତେ |
ପୀଯୂଷସଦୃଶଂ ବାକ୍ଯଂ ସଂଧ୍ଯୋକ୍ତଂ ନାରଦେରିତମ୍ ||
|| ଇତି ଶ୍ରୀଅଘନାଶକ ଗାଯତ୍ରୀ ସ୍ତୋତ୍ରଂ ସମ୍ପୂର୍ଣମ୍ ||

Visit http://www.webdunia.com for additional texts with Hindi meanings.

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com