.. ଅମୃତନାଦୋପନିଷତ୍   ୨୧ ..
ଅମୃତନାଦୋପନିଷତ୍ପ୍ରତିପାଦ୍ଯଂ ପରାକ୍ଷରମ୍ .
ତ୍ରୈପଦାନନ୍ଦସାମ୍ରାଜ୍ଯଂ ହୃଦି ମେ ଭାତୁ ସନ୍ତତମ୍ ..
୐ ସହ ନାବବତୁ . ସହ ନୌ ଭୁନକ୍ତୁ . ସହ ବୀର୍ଯଂ କରବାବହୈ .
ତେଜସ୍ବିନାବଧୀତମସ୍ତୁ ମା ବିଦ୍ବିଷାବହୈ ..
୐ ଶାନ୍ତିଃ ଶାନ୍ତିଃ ଶାନ୍ତିଃ ..
ଶାସ୍ତ୍ରାଣ୍ଯଧୀତ୍ଯ ମେଧାବୀ ଅଭ୍ଯସ୍ଯ ଚ ପୁନଃ ପୁନଃ .
ପରମଂ ବ୍ରହ୍ମ ବିଜ୍ଞାଯ ଉଲ୍କାବତ୍ତାନ୍ଯଥୋତ୍ସୃଜେତ୍ .. ୧..
ଓଙ୍କାରଂ ରଥମାରୁହ୍ଯ ବିଷ୍ଣୁଂ କୃତ୍ବାଥ ସାରଥିମ୍ .
ବ୍ରହ୍ମଲୋକପଦାନ୍ବେଷୀ ରୁଦ୍ରାରାଧନତତ୍ପରଃ .. ୨..
ତାବଦ୍ରଥେନ ଗନ୍ତବ୍ଯଂ ଯାବଦ୍ରଥପଥି ସ୍ଥିତଃ .
ସ୍ଥିତ୍ବା ରଥପଥସ୍ଥାନଂ ରଥମୁତ୍ସୃଜ୍ଯ ଗଚ୍ଛତି .. ୩..
ମାତ୍ରାଲିଙ୍ଗପଦଂ ତ୍ଯକ୍ତ୍ବା ଶବ୍ଦବ୍ଯଞ୍ଜନବର୍ଜିତମ୍ .
ଅସ୍ବରେଣ ମକାରେଣ ପଦଂ ସୂକ୍ଷ୍ମଂ ଚ ଗଚ୍ଛତି .. ୪..
ଶବ୍ଦାଦିବିଷଯାଃ ପଞ୍ଚ ମନଶ୍ଚୈବାତିଚଞ୍ଚଲମ୍ .
ଚିନ୍ତଯେଦାତ୍ମନୋ ରଶ୍ମୀନ୍ପ୍ରତ୍ଯାହାରଃ ସ ଉଚ୍ଯତେ .. ୫..
ପ୍ରତ୍ଯାହାରସ୍ତଥା ଧ୍ଯାନଂ ପ୍ରାଣାଯାମୋଽଥ ଧାରଣା .
ତର୍କଶ୍ଚୈବ ସମାଧିଶ୍ଚ ଷଡଙ୍ଗୋ ଯୋଗ ଉଚ୍ଯତେ .. ୬..
ଯଥା ପର୍ବତଧାତୂନାଂ ଦହ୍ଯନ୍ତେ ଧମନାନ୍ମଲାଃ .
ତଥେନ୍ଦ୍ରିଯକୃତା ଦୋଷା ଦହ୍ଯନ୍ତେ ପ୍ରାଣନିଗ୍ରହାତ୍ .. ୭..
ପ୍ରାଣାଯାମୈର୍ଦହେଦ୍ଦୋଷାନ୍ଧାରଣାଭିଶ୍ଚ କିଲ୍ବିଷମ୍ .
ପ୍ରତ୍ଯାହାରେଣ ସଂସର୍ଗାଦ୍ଧ୍ଯାନେନାନୀଶ୍ବରାନ୍ଗୁଣାନ୍ .. ୮..
କିଲ୍ବିଷଂ ହି କ୍ଷଯଂ ନୀତ୍ବା ରୁଚିରଂ ଚୈବ ଚିନ୍ତଯେତ୍ .. ୯..
ରୁଚିରଂ ରେଚକଂ ଚୈବ ବାଯୋରାକର୍ଷଣଂ ତଥା .
ପ୍ରାଣାଯାମସ୍ତ୍ରଯଃ ପ୍ରୋକ୍ତା ରେଚପୂରକକୁମ୍ଭକାଃ .. ୧୦..
ସବ୍ଯାହୃତିଂ ସପ୍ରଣବାଂ ଗାଯତ୍ରୀଂ ଶିରସା ସହ .
ତ୍ରିଃ ପଠେଦାଯତପ୍ରାଣଃ ପ୍ରାଣାଯାମଃ ସ ଉଚ୍ଯତେ .. ୧୧..
ଉତ୍କ୍ଷିପ୍ଯ ବାଯୁମାକାଶଂ ଶୂନ୍ଯଂ କୃତ୍ବା ନିରାତ୍ମକମ୍ .
ଶୂନ୍ଯଭାବେନ ଯୁଞ୍ଜୀଯାଦ୍ରେଚକସ୍ଯେତି ଲକ୍ଷଣମ୍ .. ୧୨..
ବକ୍ତ୍ରେଣୋତ୍ପଲନାଲେନ ତୋଯମାକର୍ଷଯେନ୍ନରଃ .
ଏବଂ ବାଯୁର୍ଗ୍ରହୀତବ୍ଯଃ ପୂରକସ୍ଯେତି ଲକ୍ଷଣମ୍ .. ୧୩..
ନୋଚ୍ଛ୍ବସେନ୍ନ ଚ ନିଶ୍ବାସେତ୍ ଗାତ୍ରାଣି ନୈବ ଚାଲଯେତ୍ .
ଏବଂ ଭାବଂ ନିଯୁଞ୍ଜୀଯାତ୍ କୁମ୍ଭକସ୍ଯେତି ଲକ୍ଷଣମ୍ .. ୧୪..
ଅନ୍ଧବତ୍ପଶ୍ଯ ରୂପାଣି ଶବ୍ଦଂ ବଧିରବତ୍ ଶୃଣୁ .
କାଷ୍ଠବତ୍ପଶ୍ଯ ତେ ଦେହଂ ପ୍ରଶାନ୍ତସ୍ଯେତି ଲକ୍ଷଣମ୍ .. ୧୫..
ମନଃ ସଙ୍କଲ୍ପକଂ ଧ୍ଯାତ୍ବା ସଂକ୍ଷିପ୍ଯାତ୍ମନି ବୁଦ୍ଧିମାନ୍ .
ଧାରଯିତ୍ବା ତଥାଽଽତ୍ମାନଂ ଧାରଣା ପରିକୀର୍ତିତା .. ୧୬..
ଆଗମସ୍ଯାବିରୋଧେନ ଊହନଂ ତର୍କ ଉଚ୍ଯତେ .
ସମଂ ମନ୍ଯେତ ଯଂ ଲବ୍ଧ୍ବା ସ ସମାଧିଃ ପ୍ରକୀର୍ତିତଃ .. ୧୭..
ଭୂମିଭାଗେ ସମେ ରମ୍ଯେ ସର୍ବଦୋଷବିବର୍ଜିତେ .
କୃତ୍ବା ମନୋମଯୀଂ ରକ୍ଷାଂ ଜପ୍ତ୍ବା ଚୈବାଥ ମଣ୍ଡଲେ .. ୧୮..
ପଦ୍ମକଂ ସ୍ବସ୍ତିକଂ ବାପି ଭଦ୍ରାସନମଥାପି ବା .
ବଦ୍ଧ୍ବା ଯୋଗାସନଂ ସମ୍ଯଗୁତ୍ତରାଭିମୁଖଃ ସ୍ଥିତଃ .. ୧୯..
ନାସିକାପୁଟମଙ୍ଗୁଲ୍ଯା ପିଧାଯୈକେନ ମାରୁତମ୍ .
ଆକୃଷ୍ଯ ଧାରଯେଦଗ୍ନିଂ ଶବ୍ଦମେବାଭିଚିନ୍ତଯେତ୍ .. ୨୦..
ଓମିତ୍ଯେକାକ୍ଷରଂ ବ୍ରହ୍ମ ଓମିତ୍ଯେକେନ ରେଚଯେତ୍ .
ଦିବ୍ଯମନ୍ତ୍ରେଣ ବହୁଶଃ କୁର୍ଯାଦାତ୍ମମଲଚ୍ଯୁତିମ୍ .. ୨୧..
ପଶ୍ଚାଦ୍ଧ୍ଯାଯୀତ ପୂର୍ବୋକ୍ତକ୍ରମଶୋ ମନ୍ତ୍ରବିଦ୍ବୁଧଃ .
ସ୍ଥୂଲାତିସ୍ଥୂଲମାତ୍ରାଯଂ ନାଭେରୂର୍ଧ୍ବରୁପକ୍ରମଃ .. ୨୨..
ତିର୍ଯଗୂର୍ଧ୍ବମଧୋ ଦୃଷ୍ଟିଂ ବିହାଯ ଚ ମହାମତିଃ .
ସ୍ଥିରସ୍ଥାଯୀ ବିନିଷ୍କମ୍ପଃ ସଦା ଯୋଗଂ ସମଭ୍ଯସେତ୍ .. ୨୩..
ତାଲମାତ୍ରାବିନିଷ୍କମ୍ପୋ ଧାରଣାଯୋଜନଂ ତଥା .
ଦ୍ବାଦଶମାତ୍ରୋ ଯୋଗସ୍ତୁ କାଲତୋ ନିଯମଃ ସ୍ମୃତଃ .. ୨୪..
ଅଘୋଷମବ୍ଯଞ୍ଜନମସ୍ବରଂ ଚ ଅକଣ୍ଠତାଲ୍ବୋଷ୍ଠମନାସିକଂ ଚ .
ଅରେଫଜାତମୁଭଯୋଷ୍ମବର୍ଜିତଂ ଯଦକ୍ଷରଂ ନ କ୍ଷରତେ କଦାଚିତ୍
.. ୨୫..
ଯେନାସୌ ପଶ୍ଯତେ ମାର୍ଗଂ ପ୍ରାଣସ୍ତେନ ହି ଗଚ୍ଛତି .
ଅତସ୍ତମଭ୍ଯସେନ୍ନିତ୍ଯଂ ସନ୍ମାର୍ଗଗମନାଯ ବୈ .. ୨୬..
ହୃଦ୍ଦ୍ବାରଂ ବାଯୁଦ୍ବାରଂ ଚ ମୂର୍ଧଦ୍ବାରମତଃ ପରମ୍ .
ମୋକ୍ଷଦ୍ବାରଂ ବିଲଂ ଚୈବ ସୁଷିରଂ ମଣ୍ଡଲଂ ବିଦୁଃ .. ୨୭..
ଭଯଂ କ୍ରୋଧମଥାଲସ୍ଯମତିସ୍ବପ୍ନାତିଜାଗରମ୍ .
ଅତ୍ଯାହରମନାହରଂ ନିତ୍ଯଂ ଯୋଗୀ ବିବର୍ଜଯେତ୍ .. ୨୮..
ଅନେନ ବିଧିନା ସମ୍ଯଙ୍ନିତ୍ଯମଭ୍ଯସତଃ କ୍ରମାତ୍ .
ସ୍ବଯମୁତ୍ପଦ୍ଯତେ ଜ୍ଞାନଂ ତ୍ରିଭିର୍ମାସୈର୍ନ ସଂଶଯଃ .. ୨୯..
ଚତୁର୍ଭିଃ ପଶ୍ଯତେ ଦେବାନ୍ପଞ୍ଚଭିସ୍ତୁଲ୍ଯବିକ୍ରମଃ .
ଇଚ୍ଛଯାପ୍ନୋତି କୈବଲ୍ଯଂ ଷଷ୍ଠେ ମାସି ନ ସଂଶଯଃ .. ୩୦..
ପାର୍ଥିବଃ ପଞ୍ଚମାତ୍ରସ୍ତୁ ଚତୁର୍ମାତ୍ରାଣି ବାରୁଣଃ .
ଆଗ୍ନେଯସ୍ତୁ ତ୍ରିମାତ୍ରୋଽସୌ ବାଯବ୍ଯସ୍ତୁ ଦ୍ବିମାତ୍ରକଃ .. ୩୧..
ଏକମାତ୍ରସ୍ତଥାକାଶୋ ହ୍ଯର୍ଧମାତ୍ରଂ ତୁ ଚିନ୍ତଯେତ୍ .
ସିଦ୍ଧିଂ କୃତ୍ବା ତୁ ମନସା ଚିନ୍ତଯେଦାତ୍ମନାତ୍ମନି .. ୩୨..
ତ୍ରିଂଶତ୍ପର୍ବାଙ୍ଗୁଲଃ ପ୍ରାଣୋ ଯତ୍ର ପ୍ରାଣଃ ପ୍ରତିଷ୍ଠିତଃ .
ଏଷ ପ୍ରାଣ ଇତି ଖ୍ଯାତୋ ବାହ୍ଯପ୍ରାଣସ୍ଯ ଗୋଚରଃ .. ୩୩..
ଅଶୀତିଶ୍ଚ ଶତଂ ଚୈବ ସହସ୍ରାଣି ତ୍ରଯୋଦଶ .
ଲକ୍ଷଶ୍ଚୈକୋନନିଃଶ୍ବାସ ଅହୋରାତ୍ରପ୍ରମାଣତଃ .. ୩୪..
ପ୍ରାଣ ଆଦ୍ଯୋ ହୃଦିସ୍ଥାନେ ଅପାନସ୍ତୁ ପୁନର୍ଗୁଦେ .
ସମାନୋ ନାଭିଦେଶେ ତୁ ଉଦାନଃ କଣ୍ଠମାଶ୍ରିତଃ .. ୩୫..
ବ୍ଯାନଃ ସର୍ବେଷୁ ଚାଙ୍ଗେଷୁ ସଦା ବ୍ଯାବୃତ୍ଯ ତିଷ୍ଠତି .
ଅଥ ବର୍ଣାସ୍ତୁ ପଞ୍ଚାନାଂ ପ୍ରାଣାଦୀନାମନୁକ୍ରମାତ୍ .. ୩୬..
ରକ୍ତବର୍ନୋ ମଣିପ୍ରଖ୍ଯଃ ପ୍ରାଣୋ ବାଯୁଃ ପ୍ରକୀର୍ତିତଃ .
ଅପାନସ୍ତସ୍ଯ ମଧ୍ଯେ ତୁ ଇନ୍ଦ୍ରଗୋପସମପ୍ରଭଃ .. ୩୭..
ସମାନସ୍ତୁ ଦ୍ବଯୋର୍ମଧ୍ଯେ ଗୋକ୍ଷୀରଧବଲପ୍ରଭଃ .
ଆପାଣ୍ଡର ଉଦାନଶ୍ଚ ବ୍ଯାନୋ ହ୍ଯର୍ଚିସ୍ସମପ୍ରଭଃ .. ୩୮..
ଯସ୍ଯେଦଂ ମଣ୍ଡଲଂ ଭିତ୍ବା ମାରୁତୋ ଯାତି ମୂର୍ଧନି .
ଯତ୍ର ତତ୍ର ମ୍ରିଯେଦ୍ବାପି ନ ସ ଭୂଯୋଽବିଜାଯତେ .
ନ ସ ଭୂଯୋଽଭିଜାଯତ ଇତ୍ଯୁପନିଷତ୍ .. ୩୯..
୐ ସହ ନାବବତ୍ବିତି ଶାନ୍ତିଃ ..
 .. ଇତି କୃଷ୍ଣଯଜୁର୍ବେଦୀଯ ଅମୃତନାଦୋପନିଷତ୍ସମାପ୍ତା ..

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com