.. ଅମୃତବିନ୍ଦୁ ..


୐ ଭଦ୍ରଂ କର୍ଣେଭିଃ ଶୃଣୁଯାମ ଦେବାଃ ଭଦ୍ରଂ ପଶ୍ଯେମାକ୍ଷଭିର୍ଯଜତ୍ରାଃ .
ସ୍ଥିରୈରଙ୍ଗୈସ୍ତୁଷ୍ଟୁବାଂସସ୍ତନୂଭିର୍ବ୍ଯଶେମ ଦେବହିତଂ ଯଦାଯୁଃ .
ସ୍ବସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ ସ୍ବସ୍ତି ନଃ ପୂଷା ବିଶ୍ବବେଦାଃ .
ସ୍ବସ୍ତି ନସ୍ତାର୍କ୍ଷ୍ଯୋଽରିଷ୍ଟନେମିଃ ସ୍ବସ୍ତି ନୋ ବୃହସ୍ପତିର୍ଦଧାତୁ .
          ୐ ଶାନ୍ତିଃ ଶାନ୍ତିଃ ଶାନ୍ତିଃ .
          ହରିଃ ୐ ..

ମନୋ ହି ଦ୍ବିବିଧଂ ପ୍ରୋକ୍ତଂ ଶୁଦ୍ଧଂ ଚାଶୁଦ୍ଧମେବ ଚ .
ଅଶୁଦ୍ଧଂ କାମସଂକଲ୍ପଂ ଶୁଦ୍ଧଂ କାମବିବର୍ଜିତମ୍ .. ୧..

ମନ ଏବ ମନୁଷ୍ଯାଣାଂ କାରଣଂ ବନ୍ଧମୋକ୍ଷଯୋଃ .
ବନ୍ଧାଯ ପିଷ୍ଯାସକ୍ତଂ ମୁକ୍ତଂଯେ ନିର୍ବିଷଯଂ ସ୍ମୃତମ୍ .. ୨..

ଯତୋ ନିର୍ବିଷ୍ଯସ୍ଯାସ୍ଯ ମନସୋ ମୁକ୍ତିରିଷ୍ଯତେ .
ଅତୋ ନିର୍ବିଷଯଂ ନିତ୍ଯଂ ମନଃ କାର୍ଯଂ ମୁମୁକ୍ଷୁଣା .. ୩..

ନିରସ୍ତନିଷଯାସଙ୍ଗଂ ସଂନିରୁଦ୍ଧଂ ମନୋ ହୃଦି .
ଯଦାଽଽଯାତ୍ଯାତ୍ମନୋ ଭାବଂ ତଦା ତତ୍ପରମଂ ପଦମ୍ .. ୪..

ତାବଦେବ ନିରୋଦ୍ଧବ୍ଯଂ ଯାବଦ୍ଧୃତି ଗତଂ କ୍ଷଯମ୍ .
ଏତଜ୍ଜ୍ଞାନଂ ଚ ଧ୍ଯାନଂ ଚ ଶେଷୋ ନ୍ଯାଯଶ୍ଚ ବିସ୍ତରଃ .. ୫..

ନୈବ ଚିନ୍ତ୍ଯଂ ନ ଚାଚିନ୍ତ୍ଯଂ ନ ଚିନ୍ତ୍ଯଂ ଚିନ୍ତ୍ଯମେବ ଚ .
ପକ୍ଷପାତବିନିର୍ମୁକ୍ତଂ ବ୍ରହ୍ମ ସଂପଦ୍ଯତେ ତଦା .. ୬..

ସ୍ବରେଣ ସଂଧଯେଦ୍ଯୋଗମସ୍ବରଂ ଭାବଯେତ୍ପରମ୍ .
ଅସ୍ବରେଣାନୁଭାବେନ ନାଭାବୋ ଭାବ ଇଷ୍ଯତେ .. ୭..

ତଦେବ ନିଷ୍କଲଂ ବ୍ରହ୍ମ ନିର୍ବିକଲ୍ପଂ ନିରଞ୍ଜନମ୍ .
ତଦବ୍ରହ୍ମାମିତି ଜ୍ଞାତ୍ବା ବ୍ରହ୍ମ ସଂପଦ୍ଯତେ ଧ୍ରୁବମ୍ .. ୮..

ନିର୍ବିକଲ୍ପମନନ୍ତଂ ଚ ହେତୁଦ୍ଯାଷ୍ଟାନ୍ତବର୍ଜିତମ୍ .
ଅପ୍ରମେଯମନାଦିଂ ଚ ଯଜ୍ଞାତ୍ବା ମୁଚ୍ଯତେ ବୁଧଃ .. ୯..

ନ ନିରୋଧୋ ନ ଚୋତ୍ପତ୍ତିର୍ନ ବଦ୍ଧୋ ନ ଚ ସାଧକଃ .
ନ ମୁମୁକ୍ଷୁର୍ନ ବୈ ମୁକ୍ତ ଇତ୍ଯେଷା ପରମାର୍ଥତା .. ୧୦..

ଏକ ଏବାଽଽତ୍ମା ମନ୍ଥବ୍ଯୋ ଜାଗ୍ରତ୍ସ୍ବପ୍ନସୁଷୁପ୍ତିଷୁ .
ସ୍ଥାନତ୍ରଯବ୍ଯତୀତସ୍ଯ ପୁନର୍ଜନ୍ମ ନ ବିଦ୍ଯତେ .. ୧୧..

ଏକ ଏବ ହି ଭୂତାତ୍ମା ଭୂତେ ଭୂତେ ବ୍ଯବସ୍ଥିତଃ .
ଏକଧା ବହୁଧା ଚୈବ ଦୃଷ୍ଯତେ ଜଲଚନ୍ଦ୍ରବତ୍ .. ୧୨..

ଘଟସଂବୃତମାକାଶଂ ନୀଯମାନୋ ଘଟେ ଯଥା .
ଘଟୋ ନୀଯେତ ନାଽକାଶଃ ତଦ୍ଧାଜ୍ଜୀବୋ ନଭୋପମଃ .. ୧୩..

ଘଟବଦ୍ବିବିଧାକାରଂ ଭିଦ୍ଯମାନଂ ପୁନଃ ପୁନଃ .
ତଦ୍ଭେଦେ ନ ଚ ଜାନାତି ସ ଜାନାତି ଚ ନିତ୍ଯଶଃ .. ୧୪..

ଶବ୍ଦମାଯାବୃତୋ ନୈବ ତମସା ଯାତି ପୁଷ୍କରେ .
ଭିନ୍ନୋ ତମସି ଚୈକତ୍ବମେକ ଏବାନୁପଶ୍ଯତି .. ୧୫..

ଶବ୍ଦାକ୍ଷରଂ ପରଂ ବ୍ରହ୍ମ ତସ୍ମିନ୍କ୍ଷୀଣେ ଯଦକ୍ଷରମ୍ .
ତଦ୍ବିଦ୍ବାନକ୍ଷରଂ ଧ୍ଯାଯେଚ୍ଦ୍ଯଦୀଚ୍ଛେଛାନ୍ତିମାତ୍ମନଃ .. ୧୬..

ଦ୍ବେ ବିଦ୍ଯେ ବେଦିତବ୍ଯେ ତୁ ଶବ୍ଦବ୍ରହ୍ମ ପରଂ ଚ ଯତ୍ .
ଶବ୍ଦବ୍ରହ୍ମାଣି ନିଷ୍ଣାତଃ ପରଂ ବ୍ରହ୍ମାଧିଗଚ୍ଛତି .. ୧୭..

ଗ୍ରନ୍ଥମଭ୍ଯସ୍ଯ ମେଧାବୀ ଜ୍ଞାନବୀଜ୍ଞାନତତ୍ପରଃ .
ପଲାଲମିବ ଧାନ୍ଯାର୍ଯୀ ତ୍ଯଜେଦ୍ଗ୍ରନ୍ଥମଶେଷତଃ .. ୧୮..

ଗବାମନେକବର୍ଣାନାଂ କ୍ଷୀରସ୍ଯାପ୍ଯେକବର୍ଣତା .
କ୍ଷୀରବତ୍ପଷ୍ଯତେ ଜ୍ଞାନଂ ଲିଙ୍ଗିନସ୍ତୁ ଗବାଂ ଯଥା .. ୧୯..

ଧୃତମିବ ପଯସି ନିଗୂଢଂ ଭୂତେ ଭୂତେ ଚ ବସତି ବିଜ୍ଞାନମ୍ .
ସତତଂ ମନସି ମନ୍ଥଯିତବ୍ଯଂ ମନୁ ମନ୍ଥାନଭୂତେନ .. ୨୦..

ଜ୍ଞାନନେତ୍ରଂ ସମାଧାଯ ଚୋଦ୍ଧରେଦ୍ବହ୍ଗିବତ୍ପରମ୍ .
ନିଷ୍କଲଂ ନିଶ୍ଚଲଂ ଶାନ୍ତଂ ତଦ୍ବ୍ରହ୍ମାହମିତି ସ୍ମୃତମ୍ .. ୨୧..

ସର୍ବଭୂତାଧିବାସଂ ଯଦ୍ଭୂତେଷୁ ଚ ବସତ୍ଯପି .
ସର୍ବାନୁଗ୍ରାହକତ୍ବେନ ତଦ୍ସ୍ମ୍ଯହଂ ବାସୁଦେବଃ .. ୨୨..

୐ ଭଦ୍ରଂ କର୍ଣେଭିଃ ଶୃଣୁଯାମ ଦେବାଃ ଭଦ୍ରଂ ପଶ୍ଯେମାକ୍ଷଭିର୍ଯଜତ୍ରାଃ .
ସ୍ଥିରୈରଙ୍ଗୈସ୍ତୁଷ୍ଟୁବାଂସସ୍ତନୂଭିର୍ବ୍ଯଶେମ ଦେବହିତଂ ଯଦାଯୁଃ .
ସ୍ବସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ ସ୍ବସ୍ତି ନଃ ପୂଷା ବିଶ୍ବବେଦାଃ .
ସ୍ବସ୍ତି ନସ୍ତାର୍କ୍ଷ୍ଯୋଽରିଷ୍ଟନେମିଃ ସ୍ବସ୍ତି ନୋ ବୃହସ୍ପତିର୍ଦଧାତୁ .
          ୐ ଶାନ୍ତିଃ ଶାନ୍ତିଃ ଶାନ୍ତିଃ .
          ହରିଃ ୐ ..

          .. ଇତ୍ଯଥର୍ବବେଦେଽମୃତ୍ବିନ୍ଦୂପନିଷତ୍ସମାପ୍ତା ..


Am\drtabindu Upani\dsadtransliterated by Anshuman Pandey [\emphapandey@u.washington.edu]16 April 1996

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com