.. .. ଅର୍ଧନାରୀଶ୍ବରାଷ୍ଟକମ୍ ..

ଅଂଭୋଧରଶ୍ଯାମଲକୁନ୍ତଲାଯୈ
ତଟିତ୍ପ୍ରଭାତାମ୍ରଜଟାଧରାଯ |
ନିରୀଶ୍ବରାଯୈ ନିଖିଲେଶ୍ବରାଯ
ନମଃ ଶିବାଯୈ ଚ ନମଃ ଶିବାଯ || ୧||

ପ୍ରଦୀପ୍ତରତ୍ନୋଜ୍ବଲକୁଣ୍ଡଲାଯୈ
ସ୍ଫୁରନ୍ମହାପନ୍ନଗଭୂଷଣାଯ |
ଶିବପ୍ରିଯାଯୈ ଚ ଶିବପ୍ରିଯାଯ
ନମଃ ଶିବାଯୈ ଚ ନମଃ ଶିବାଯ || ୨||

ମନ୍ଦାରମାଲାକଲିତାଲକାଯୈ
କପାଲମାଲାଙ୍କିତକନ୍ଧରାଯୈ |
ଦିବ୍ଯାମ୍ବରାଯୈ ଚ ଦିଗମ୍ବରାଯ 
ନମଃ ଶିବାଯୈ ଚ ନମଃ ଶିବାଯ || ୩||

କସ୍ତୂରିକାକୁଙ୍କୁମଲେପନାଯୈ
ଶ୍ମଶାନଭସ୍ମାତ୍ତବିଲେପନାଯ |
କୃତସ୍ମରାଯୈ ବିକୃତସ୍ମରାଯ
ନମଃ ଶିବାଯୈ ଚ ନମଃ ଶିବାଯ || ୪||

ପାଦାରବିନ୍ଦାର୍ପିତହଂସକାଯୈ
ପାଦାବ୍ଜରାଜତ୍ଫଣିନୂପୁରାଯ |
କଲାମଯାଯୈ ବିକଲାମଯାଯ
ନମଃ ଶିବାଯୈ ଚ ନମଃ ଶିବାଯ || ୫||

ପ୍ରପଞ୍ଚସୃଷ୍ଟ୍ଯୁନ୍ମୁଖଲାସ୍ଯକାଯୈ
ସମସ୍ତସଂହାରକତାଣ୍ଡବାଯ |
ସମେକ୍ଷଣାଯୈ ବିଷମେକ୍ଷଣାଯ 
ନମଃ ଶିବାଯୈ ଚ ନମଃ ଶିବାଯ || ୬||

ପ୍ରଫୁଲ୍ଲନୀଲୋତ୍ପଲଲୋଚନାଯୈ
ବିକାସପଙ୍କେରୁହଲୋଚନାଯ |
ଜଗଜ୍ଜନନ୍ଯୈ ଜଗଦେକପିତ୍ରେ
ନମଃ ଶିବାଯୈ ଚ ନମଃ ଶିବାଯ || ୭||

ଅନ୍ତର୍ବହିଶ୍ଚୋର୍ଧ୍ବମଧଶ୍ଚ ମଧ୍ଯେ
ପୁରଶ୍ଚ ପଶ୍ଚାଚ୍ଚ ବିଦିକ୍ଷୁ ଦିକ୍ଷୁ |
ସର୍ବଂ ଗତାଯୈ ସକଲଂ ଗତାଯ 
ନମଃ ଶିବାଯୈ ଚ ନମଃ ଶିବାଯ || ୮||

ଅର୍ଧନାରୀଶ୍ବରସ୍ତୋତ୍ରଂ ଉପମନ୍ଯୁକୃତଂ ତ୍ବିଦମ୍ |
ଯଃ ପଠେଚ୍ଛୃଣୁଯାଦ୍ବାପି ଶିବଲୋକେ ମହୀଯତେ || ୯||

|| ଇତି ଉପମନ୍ଯୁକୃତଂ ଅର୍ଧନାରୀଶ୍ବରାଷ୍ଟକମ୍ ||

This page uses Unicode utf-8 encoding for devanagari. Please set the fonts and languages setting in your web browser to display the correct Unicode font. Questions, comments:sanskrit@cheerful.com